Nokian Tyres (Finlandiya) avtokonserni yük avtomobilləri, sənaye texnikası və minik avtomobilləri üçün təkərlər istehsal edən şirkətdir. Şirkət qışı qarlı keçən çətin iqlimli ölkələr üçün təkərlər istehsal etmək üzrə ixtisaslaşıb. Nokian Tyres məhsulları Finlandiyada, İsveçdə, Norveçdə, Şərqi və Qərbi Avropa ölkələrində, Rusiya Federasiyasında, Ukraynada, Qazaxıstanda, ABŞ-da satılmaqdadır.Markanın əsası 1904-cü ildə Finlandiyanın Nokia şəhərində rezin məmulatlarının istehsalı ilə qoyulub. Sonralar 1925-ci ildə velosipedlər üçün, 1932-ci ildə isə avtomobillər üçün şin istehsalına başlanılıb. 1934-cü ildə Nokian mütəxəssisləri şimalın mənfi temperaturunda belə istifadəsi mümkün olan qış şinlərini işləyib hazırladılar. Bu dünyada ilk qış şini idi. Nokian Tyres avtokonserninin Nokia (Finlandiyada) və Vsevolojsk (Rusiya) şəhərlərində 2 zavodu var. Bundan əlavə Nokian təkərləri müqavilə əsasında İndoneziya, Çin, Slovakiya, Hindistan, İspaniya və ABŞ-da da istehsal olunur. Nokian Tyres avtokonserni dünyada 350-ə yaxın şin mərkəzini biləşdirən Vianor şin mərkəzlərinin də sahibidir. 2013-cü ilin birinci yarısında Vianor mərkəzlərinin dünyanın 26 ölkəsində 1121 ticarət nöqtəsinin fəaliyyət göstərdiyi qeydə alınıb. Onlardan 938-i françayzinq əsasında işləyib, 183-ü isə markanın öz mülkiyyətidir.