Roadstone 1956-cı ildən avtomobil təkərləri istehsal edən Cənubi Koreya şirkəti “Nexen”in təkər markasıdır. Roadstone brendi altında istehsal edilən şinlər Avropa bazarı üçün nəzərdə tutulub. Hal-hazırda “Roadstone” brendi böyük Asiya şirkətləri cərgəsində dayanır və yüksək keyfiyyətli teker istehsalına imkan verən müasir avadanlıqlara sahibdir. Bugün “Roadstone” şin sahəsində elmi araşdırmalara yatırım edir, ekoloji tarazlığa ziyan vurmayan şin istehsalı yönündə çalışmalarını davam etdirir.“Roadstone” şirkəti təkər istehsalında yeni texnologiyaların tətbiqinə böyük önəm verir. Bu texnologiyalar avtomobilin idarəetməsini yaxşılaşdırır, şinin çəkisini, yanacaq sərfiyyatını  azaldır, idarəetməyə komfort və təhlükəsizlik bəxş edir. Şirkətin istehsal etdiyi çinlərin rezin tərkibindəki silikanın həcmi, protektor dizaynı həm akustik komfortu, həm də əla tormoz xüsusiyyətlərini təmin edir. “Roadstone” (NEXEN) bir sıra Koreya istehsalı olan avtomobillərin təchizatında yer alır. Onların sırasında Hyundai, KIA, SsangYong kimi markaların adlarını çəkmək olar. Hal-hazırda markanın satış həcmi 600 milyon dolları ötən “Roadstone” təkərləri dünyanın 120 ölkəsinə ixrac olunur.